Osagaiak
-
Ore ama:
- 125 g zekale irin integral
- 125 g ur
- Ore ama koilarakada bat
-
425 g irin zuri
-
75 g garagar-ale, ehotuta
-
300 g garagardo
-
50 g ur
-
8 g gatz
-
1g malta
-
Ezti koilarakada bat
Ore ama elikatu
Ore ama koilarakada bat ura eta irinarekin nahastu. Hartzitzen utzi 12 ordu inguru.
Nahastu eta oratu
Osagai guztiak nahastu gatza izan ezik eta 20 minutuko autolisia eman. Ondoren gatza gehitu eta orea ondo oratu.
Hartzitu
Hartzitzen utzi 9 ordu hozkailuan.
Forma eman eta hartzitu
Oreari forma eman eta bannetoian sartu bigarren fermentaziorako, 12 ordu inguru hozkailu barruan.
Egosi
Orea hozkailutik atera eta labea berotu 250°C-tan. Lehenengo 10 minutuetan beheko erresistentzia bakarrik piztu, gero bi erresistentziak piztu eta 10 minuturo tenperatura 10°C jaitsi 180°C-ra iritsi arte. Ogi honek guztiz egosteko ordu bat behar du gutxi-gorabehera.